09/12/2014

Fière d'être wallonne ? Oui !

Un montage photo de Jean-Philippe Dheure super bien fait ...



Et les paroles en prime, si vous voulez chanter !

Nos-èstans fîrs di nosse pitite patrèye,
Ca lådje èt long, on djåse di sès-èfants.
Å prumi rang on l' mèt' po l' industrèye
Et d'vins lès-årts èle riglatih ot'tant.
Nosse tére èst p'tite, mins nos-avans l' ritchèsse
Dès-omes sincieûs qu'anôblihèt leû nom.
Et nos-avans dès libèrtés timpèsse :
Vola poqwè qu'on-z-èst fîr d' èsse Walon !
Et nos-avans dès libèrtés timpèsse :
Vola poqwè! Vola poqwè qu'on-z-èst fîr d' èsse Walon !
Di nosse passé, qwand c'èst qu'on lét l'istwère,
On s'rècrèstêye vormint à chaque foyou,
Et nosse coûr crèh' qwand c'èst qu'on tûse al glwère
Di nos vis péres qui n'avit måy pawou.
C'est gråce a zèls qui n'djouwihans dèl påy,
Il ont språtchî l'inn'mi d'zos leû talon;
On l'z-a r'clamé lès pus vaillants qu'i-n-åye
Vola porqwè qu'on-z-èst fîr d'èsse Walon !
On l'z-a r'clamé lès pus vaillants qu'i-n-åye
Vola poqwè! Vola poqwè qu'on-z-èst fîr d'èsse Walon !
On s'veût vol'tî inte frés dèl Walon'rèye
Et l'on-z-èst prèt'onk l'aûte a s'diner l'main ;
On s'fait plaisir bin sovint sins qu'on l'dèye,
Nouk ni s'hågnêye qwand c'èst qu'i vout fé l'bin
Li tcharîté qui mousse èl mohinète
N'î va qu'al nut' avou mèye précôcions ;
Li pô qu'on done on nèl donne qu'è catchète :
Vola porqwè qu'on-z-èst fîr d'èsse Walon !
Li pô qu'on done on nèl donne qu'è catchète :
Vola poqwè! Vola poqwè qu'on-z-èst fîr d'èsse Walon !